Përmbajtje
Frazat e përsëritura
Shprehje tri-fjalëshe që përsëriten tri herë e më shumë brenda faqes; tregues i tekstit të gjeneruar ose të mbushur.
Çfarë është
Ky kontroll e ndan tekstin në fjali, nxjerr çdo shprehje tri-fjalëshe të njëpasnjëshme dhe numëron sa herë shfaqet secila. Shprehjet që dalin tri herë ose më shumë renditen si të përsëritura.
Përsëritja e një shprehjeje nuk është vetvetiu gabim. Në një faqe teknike, termi qendror përsëritet natyrshëm. Problemi është kur përsëritja vjen nga tekst i gjeneruar me shabllon — "shërbimi ynë i shkëlqyer" në çdo paragraf — ose nga mbushje e qëllimshme.
Pse ka rëndësi
Teksti me shprehje të përsëritura lexohet si i shkruar nga makina, edhe kur nuk është. Vizitori e ndien pa e analizuar, dhe besimi bie.
Për motorët, përsëritja e lartë e të njëjtave shprehje brenda një faqeje është një nga sinjalet e vjetra të tekstit të prodhuar për renditje, jo për lexues. Nuk është shkak i drejtpërdrejtë ndëshkimi, por është pjesë e vlerësimit të cilësisë.
Ka edhe një shkak i tretë, që haset shpesh te sajte tregtie: përshkrimi i produktit gjenerohet nga një shabllon dhe e njëjta fjali del te njëqind faqe. Atëherë problemi nuk është përsëritja brenda faqes, por midis faqeve — dhe ai është përmbajtje e dublikuar, gjë tjetër.
Kur ky kontroll aktivizohet, është zakonisht shenjë se teksti duhet rishkruar nga një njeri.
Si rregullohet
- Shiko listën e shprehjeve që kthen mjeti. Nëse ato janë terma teknikë, gjithçka është në rregull.
- Nëse janë fraza marketingu, hiqi. Zakonisht mund të fshihen pa humbur kuptim.
- Rishkruaj fjalitë e gjeneruara nga shabllone që të ndryshojnë nga njëra-tjetra.
- Kontrollo nëse e njëjta shprehje del edhe në faqe të tjera. Nëse po, problemi është më i madh se kjo faqe.
- Mos u përpiq ta kalosh kontrollin me sinonime mekanike. Zëvendësimi i çdo fjale me sinonim prodhon tekst edhe më të keq.
Si e mat ky mjet
ContentQualityAnalyzer::detectDuplicatePhrases() (services/ContentQualityAnalyzer.php:231) e ndan tekstin me [.!?]+, hedh fjalët nën tri shkronja, ndërton çdo shprehje tri-fjalëshe të njëpasnjëshme dhe numëron shfaqjet. Mban ato me tri ose më shumë shfaqje dhe kthen dhjetë të parat.
Kur numri i shprehjeve të tilla kalon 3, jepet një konstatim informativ dhe zbriten 5 pikë (:74).
Çfarë NUK e mat
Kontrolli sheh vetëm brenda një faqeje. Përmbajtja e dublikuar midis faqeve të të njëjtit sajt — problemi shumë më i shpeshtë dhe më i kushtueshëm — nuk kapet nga ky skanim.
Filtri nën tri shkronja hedh fjalë shqipe kuptimplota si ka, ia, në, dhe mban fjalë ndalimi trishkronjëshe si dhe ose për, prandaj shprehjet e kthyera shpesh janë kombinime pa kuptim.
Teksti merret nga i gjithë dokumenti, prandaj menuja dhe fundfaqja — që përsëriten vërtet — futen në numërim dhe e fryjnë rezultatin.
Kodi që e kryen matjen
services/ContentQualityAnalyzer.php:231— ContentQualityAnalyzer::detectDuplicatePhrasesservices/ContentQualityAnalyzer.php:74— Repetitive Phrases Detected